2018·10·24

Protokolo honen xedea Eusko Jaurlaritzako Segurtasun Sailaren eta Lasarte-Oriako Udaltzaingoaren artean jarduteko jarraibide homogeneoak ezartzea da, droga toxikoak, estupefazienteak eta substantzia psikotropikoak legez kanpo edukitzeari eta horien kontsumo publikoari lotutako arau-hauste administratiboei dagokienez

Aipatutako arau-hausteak 601 eta 30.000 euro arteko isunarekin zigor daitezkeen arau-hauste larriak dira.

Protokoloak jarduera-fase desberdinak ezartzen ditu:

1. Salaketaren akta eta substantzia atzematea.
2. Atzemandako substantzia nola tratatu.
3. Atzemandako substantzia eta salaketa entregatzea eta hartzea.
4. Zehapen prozedura bukaraziko duen administrazio ebazpena jakinaraztea.

Amaitzeko, Segurtasun Sailak konpromisoa hartu du, Udaltzaingoak eta Segurtasuna Koordinatzeko Zuzendaritzaren eta EUDEL – Euskadiko Udalen Elkartearen bitartez, protokolo honen edukiaren garapena urtero berrikusteko. Jarraipen hori lan-talde batek egingo du; horretarako, urtean salatu diren arau-hausteak baloratuko ditu, bai eta gabeziak edo proposatu diren hobekuntza egokiak aztertu ere.