Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Euskarazko lanbide heziketak aukera gehiago ematen ditu

Urtearen garai honetan hainbat eta hainbat gazte ari dira erabakitzen zein lanbide ziklotan eman izena. Horretarako Buruntzaldeko Udalok laguntza eskaini nahi diegu gazte horiei ikasketa horiek D ereduan non egin.

2019·05·10

Urtearen garai honetan hainbat eta hainbat gazte ari dira erabakitzen zein lanbide ziklotan eman izena. Ez da erabaki erraza izaten eta Buruntzaldeko Udalok laguntza eskaini nahi diegu gazte horiei, eta animatu, ikasketa horiek D ereduan, euskaraz, egitera.

Urtez urte euskarazko eskaintza zabaltzeko erronkan dabiltzan ikastetxeek helburu nagusia dute euskaraz ikasi nahi duten ikasleei aukera ematea, ikasketak euskaraz egiteko.

Azpimarratzekoa da lanbide heziketa euskaraz egiteak laguntzen diela ikasleei gerora lan munduan euskaraz aritzen. Horren ildotik, Buruntzaldeko udalok eta ikastetxeak konpromisoak ari gara lantzen, ikasleak lantokiko prestakuntza egitera doazen enpresetan praktikaldi horiek ere euskaraz egiteko. Enpresek begi onez hartu dute egitasmoa, euskaraz trebatutako langileek balio erantsia ematen baitiote enpresaren jardunari, eta gainera, eragina izaten baitute gainerako langileen hizkuntza erabileran.

Gainera, erdi-mailako heziketa-zikloa euskaraz egiten dutenek euskarazko B1 titulua jasoko dute eta goi-mailakoek, berriz, B2a, administrazioko 2. hizkuntza-eskakizunaren edo perfilaren parekoa.

Informazio gehiago:

www.ikaslan.net (ikastetxe publikoak)

www.hetel.eus (ikastetxe pribatuak)


Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.