Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Euskarazko lanbide heziketak aukera gehiago ematen ditu

Euskara Batzordeko lehendakariak eta EAGIko zuzendariak D ereduan matrikulatzera animatu ditu gazteak etorkizun laboral hobea izateko aukerak gehitzen dituelako.

2021·04·28

Jon Antxordokik, Udaleko Euskara Batzordeko lehendakariak adierazi du urtearen garai honetan gazte asko ari dira erabakitzen zein lanbide ziklotan eman izena. Ez da erabaki erraza izaten eta Buruntzaldeko Udalek laguntza eskaintzen diegu gazte horiei, eta animatu, ikasketa horiek D ereduan, euskaraz, egitera.

Buruntzaldeko udalek eta ikastetxeak konpromisoak ari dira lantzen, ikasleak lantokiko prestakuntza egitera doazen enpresetan praktikaldi horiek ere euskaraz egiteko. Enpresek begi onez hartu dute egitasmoa, euskaraz trebatutako langileek balio erantsia ematen baitiote enpresaren jardunari, eta gainera, eragina izaten baitute gainerako langileen hizkuntza erabileran.

Gainera, erdi-mailako heziketa-zikloa euskaraz egiten dutenek euskarazko B1 titulua baliokidetuta izango dute eta goi-mailakoek, berriz, B2a, administrazioko 2. hizkuntza-eskakizunaren edo perfilaren parekoa.

Lidia Alcerrekak, herriko sarreran, Donostia Etorbidea 5-ean kokatuta dagoen Eraikin Adimendunen Garapen Iraunkorreko Lanbide Heziketako zentroko zuzendariak, adierazi zuen Lasarte-Orian ere badagoela Heziketa Zikloak ikasteko aukera. Zehazki, beraien ikastetxean eraikuntzarekin lotutako erdi-mailako bi ziklo (Eraikuntzako Teknikaria alde batetik eta, Barruko Obrak, Dekorazioa eta Birgintzeko Teknikaria beste alde batetik) eta goi-mailako ziklo bat (Eraikuntza-Obrak Antolatzeko eta Kontrolatzeko Goi-Mailako Teknikaria ) dutela adierazi du.

Ikasleei D, B nahiz A ereduan matrikulatzeko aukera ematen zaie eta aukerak dauden guztietan eskolak euskaraz ematen dira, izan ere irakasle gehien-gehienak gaituta daude.

Informazio gehiago nahi duena, bertara joatera edota beraien weba (https://eagi.eus ) bisitatzera gonbidatu ditu.

Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.