2019·06·10

Jesus Zaballos Lasarte-Oriako alkateak eta Maite Iglesias hezkuntzako zinegotziak eta Alicia liburudendako jabeak laguntzak aurkeztu dituzte, 40.000 eurotik beherako diru-sarrerak dituzten familiei destinatuak.

Programa berriaren helburuak dira, batetik, eskola-adineko haurrak dituzten familiei laguntzea krisi-garai honetan eta, bestetik, eskolako materiala Lasarte-Oriako herriko dendetan eros dezaten sustatzea. Alkateak gogorarazi du funtsezkoa dela egindako erosketaren froga-agiria gordetzea.

Materiala izan daiteke idazmahaikoa, eskolako jarduerarako behar diren arropak, optometriako materiala, kirolerako materiala edo jarduera artistikoetarakoa. Ikasle eta familia-unitate bakoitzeko jaso daitezkeen laguntzak honako hauek dira:

• 20.000 eurotik beherako diru-sarrerentzat, 90 €;
• 20.000 eta 30.000 euro bitarteko diru-sarrerentzat, 65 €;
• 30.000 eta 40.000 euro bitarteko diru-sarrerentzat, 55 €.

Laguntza jasotzeko aukera izango dute lehen eta bigarren hezkuntzako derrigorrezko etapetan eskolatutako adingabeak dituzten familiek, berdin delarik zein udalerritan eskolatuak dauden, baina ezinbestekoa delarik eskolako materialaren erosketa beti Lasarte-Oriako dendetan egina izatea, 2019.ko uztailaren 1etik irailaren 30era.

Laguntza jaso ahal izateko, eskaerari erantsi beharko zaizkio herriko dendak emandako tiketen edo faktura sinplifikatuen jatorrizkoak. Tramitazioa on-line egiten bada, sinestamendu horiek eskaneatuta eta elektronikoki behar bezala sinatuta erantsi beharko dira.

Eskaerak aurkezteko epea irailaren 2tik urriaren 1ra arte izango da.