Auzotarren Aholku-Batzordea arautzeko erregelamendua

Lasarte-Oriako Udalaren Herritarrek Parte Hartzeko Erregelamenduaren 39. artikuluak Auzotarren Aholku-Batzorde bat sortu beharra ezartzen du, udal-administrazioaren aurrean auzotarren eskubideak defendatzeko organo gisa.

Lasarte-Oriako Auzotarren Aholku-Batzorde Munizipal horren egitekoa hurrengo funtzio hauek garatzea izango da:

• Udalak jasotako kexa eta iradokizunen jarraipena egitea, baita emandako erantzunena ere.
• Herritarrentzako Bulego Mugikorraren martxaren eta funtzionamenduaren jarraipena egitea, haren bilkura bakoitzean landutako gaien berri jakinez.
• Herritarrek parte hartzeko prozesu guztien jarraipena egitea: erabilitako ereduak, parte hartu duten pertsonak, jasotako erantzunak.
• Herritarren parte-hartze nabarmengarriren bat izan duten jarduera munizipal guztien jarraipena egitea.

Erregalamendua tramitatu aurretik, beharrezkoa da herritarrei partaidetza ematea, haiek egin nahi dituzten proposamenak jasoz. Kontsulta publikoa otsailaren 8ra arte egongo da zabalik, eta proposamenak Udalari honela bidali ahalko zaizkio:

• Idatziz, Udaleko Erregistroan idatzi bat aurkeztuz.
• Bide telematikoz, Herritarren Parte-hartzearen atalaren bitartez.
• E-maila bidaliz helbide elektroniko honetara: partehartzea@lasarte-oria.eus.