Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Aurrera jarraitzen du Hiri-Antolamenduko Plan Orokorraren prestaketan herritarrek parte hartzeko prozesuak, irailaren 15eko saio presentzialarekin

Datorren irailaren 15ean, 18:00etan, Lasarte-Oriako Kulturetxean aurkeztuko da Plan Orokorraren Aurrerapenaren dokumentua, HAPOa egin aurreko dokumentua. Aurkeztu ondoren, ekarpenak eta gogoetak egiteko txanda irekiko da.

2020·09·14

Udalerriko Hiri-Antolamenduko Plan Orokor (HAPO) berriaren prestaketan herritarrek parte hartzeko programak 5 fase ditu, eta hasierako fasea, edo 0 fasea, uztailaren 2an hasi zen, alkatetzak partaidetzako programa onetsi zuenean.

Programaren oinarrizko helburua da, egungo legeria betez, bermatzea herritarrek, batetik, jakin dezatela Plan Orokor bat dela eta, bestetik, ezagut ditzatela Plangintzako Arau Subsidiarioak errebisatzeko eta haiek Hiri-Antolamenduko Plan Orokor bihurtzeko proposamenaren edukia eta irismena, horrela haien onesteko prozesuan herritarrek aktiboki parte hartu ahal izan dezaten.

Prozesuaren funtzioa da:

  • Parte hartzeko eskubideaz eta eskubide hori baliatzeko moduaz informatzea.
  • Plana egiten den bitartean informazioa eskuragarri jartzea.
  • Prozeduraren barruan partaidetzari irekita dauden faseetan oharrak eta iruzkinak egiteko eskubidea aitortzea.
  • Parte-hartzea ahalbidetzea, bai eta publiko interesatuak informazioa jasotzeko eta ekarpenak egiteko bide irisgarriak izatea ere.

Aurrerapen-dokumentua jadanik erakustaldi publikoan dago urriaren 31ra arte, interesatuek alegazioak aurkeztu ahal izateko. Epe horretan zehar, beste bi saio presentzial egingo dira:

Irailaren 15ean, 18:00etan, Kulturetxean aurkeztuko da Aurrerapenaren dokumentua, eta gogoetak eta ekarpenak egiteko unea izango da hori.

Urriaren 22an, Aurrerapenari buruz eta Planaren idazketan kontuan hartu beharreko irizpide orokorrei buruz eztabaidatzeko unea izango da.

Covid-19ak sortutako egoeraren ondorioz, eta segurtasun sanitarioagatik, tailerrak telematikoki egingo dira, honako helbide honetan: https://meet.jit.si/lasarte-oria-hapo, eta honako hauek izango dira:

  • IRAILAREN 22an, 18:00etan: Mugikortasun jasangarriaren eta irisgarritasunaren eredua
  • IRAILAREN 24an, 18:00etan: Hiria eta generozko berdintasuna
  • IRAILAREN 29an, 18:00etan: Hiria eta bizi-kalitatea
  • URRIAREN 1ean, 18:00etan: Lasarte-Oria beren auzoetatik.

Urriaren 2an, 18:00etan, paseo bat egingo da Oria ibaiaren ertzean zehar, udalerriak bere ibaiarekin duen harremanari buruz gogoeta egiteko.

Saioetan parte hartzeko izena eman behar da esteka honetan: izena ematea

Gainera, erakusketa bat egingo da material grafikoarekin eta testuekin, informazio gehiago emateko. Eskura dagoen informazio guztia laburbilduta jasoko duen dokumentu bat ere bidaliko da etxeetara.

Fase hori amaitzeko, txosten bat idatziko da kontsulta-prozesuan zehar egindako ekarpen eta iradokizunekin.

Udalbatzarrak HAPOaren dokumentu berriari hasierako onespena ematearekin hasiko da 2. fasea. Dokumentu hori 2 hilabetez jarriko da ikusgai, eta dagokion prozesua izango du, herritarrei informazioa emateko eta herritarrek parte hartzeko.

3. fasean, udalbatzarrak HAPOaren dokumentua behin-behinean onetsiko du, eta organo eskudunei arauzkoak diren txostenak eskatuko zaizkie.

4. fasean, udalbatzarrak behin betiko onetsiko du dokumentua, eta amaierako dokumentuaren berri emango zaie herritarrei.

 

Deskargatu Aurrerapenaren Sintesia

Aurrerapenaren Sintesia [pdf]

 

Deskargatu Prozesuaren Programa

Programa  [pdf]


Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.