Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Aterpearen Udazkenezko Festa

Aterpeak Udazkeneko Festa irailaren 7tik 19ra bitartean egingo dela iragarri zuen. Egun horietan 60 bat saltokitan erosten dutenek 3.500 euro eskuratuko dituzte erosketa-bonuetan

2020·09·05

Aterpeko hainbat kide, Agustin Valdivia alkatea eta Nuria Fernandez Sozioekonomiako zinegotzia bertan zirela, Ramon Ormazabalek Aterpeko Udazkeneko Festa aurkeztu zuen. Festa horren helburu nagusia tokiko merkataritzan kontsumoa sustatzea da, kasu honetan Aterpeko merkataritzan.

Kanpaina honek bi zati ditu. Alde batetik, 3.500 euroko zozketa erosketa-bonuetan.

Irailaren 7tik 19ra bitartean Aterpean parte hartzen duten establezimenduetan erosten dutenek txartel batzuk jasoko dituzte, eta horiek bete beharko dira irailaren 23an egingo den zozketan sartzeko. Erosketa-bonuak 500 euroko 2 sari eta 250 euroko 10 sari izango dira, establezimendu bakoitzeko gastu mugarik gabe.

Bestalde, marrazki erakusketa bat egingo da Sasoeta-Zumaburu eta Garaikoetxea-Landaberri ikastetxeetako 6 eta 12 urte bitarteko neska-mutilen "Zer egin duzu udan?" gaiarekin. Era berean, udalerritik kanpoko beste ikastetxe batzuetan ikasten ari diren haurrek ere parte hartu ahal izango dute.

Sasoeta-Zumaburu ikastetxetik 200 haur inguruk eta Garaikoetxea-Landaberri ikastetxetik 390 inguruk hartuko dute parte.

Marrazkiak irailaren 25etik urriaren 2ra bitartean egongo dira ikusgai kanpainan parte hartzen duten establezimenduetan. Haurrek marrazkia aurkitzen dutenean, opari txiki bat emango zaie.

Jarduera horren bidez, batetik, Lasarte-Oriako kontsumoa sustatu nahi da, eta, bestetik, haurrek eta haien familiek udalerri osoan banatuta dagoen merkataritza ezagutu.


Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.