Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

Abenduaren 1ean hasi zen Aterpearen Eguberrietako kanpaina

Merkatari eta ostalarien Aterpea elkarteak abenduaren 1ean abiatu zuen Eguberrietako Kanpaina. Establezimendu bakoitzak eguberrietako produktuen sorta bat zozkatuko du bere bezeroen artean

2020·12·04

Ana Laureano, Aterpeako presidenteordeak, lehenik eta behin, bere esker ona agertu zuen Lasarte-Oriako Udalaren aldetik eta Eusko Jaurlaritzako Merkataritza Sailetik jasotako babesagatik. Era berean, eskerrak eman zizkien komunikabideei bere jarduerari zabalkundea emateagatik.

Eguberrietako loteei dagokienez, abenduaren 1etik 29ra arte iraungo duen kanpaina da. Horren bidez, bezeroei aurten ere establezimenduetan jartzen duten konfiantza fidelizatu eta eskertu nahi zaie.

Edizio honetan parte hartzen duten 42 bazkideek txartelak emango dizkiete dendetan erosketak egiten dituzten bezeroei. Txartel horietan, bezeroak bere izena eta telefono-zenbakia adierazi beharko ditu, eta txartel-ontzian sartu.

Establezimendu bakoitzak bere zozketa egingo du, eta kontaktuan jarriko da bere eguberrietako produktuen sorta irabazi duen pertsonarekin.

Aterpea Euskaraldiari babesa adierazteko eta abenduaren 3an ospatu zen Euskararen Nazioarteko Eguna babesteko baliatu zuen aukera.

Bestalde, animoak bidali nahi izan zizkieten sektorearekin zerikusia duten ostalaritza eta gremio guztiei, aurrera egiteko indarra atera zezaten, eta bereziki eskerrak eman nahi izan zizkieten lasarteoriatar guztiei, haien eguneroko kontsumoari esker baitaude gaur hemen. "Denon artean aurrera egingo dugu".

Jardueraren aurkezpenari amaiera emateko, Nuria Fernández sozioekonomiako zinegotziak eskertu egin zuen Aterpeak herriko merkataritzaren aldeko jarduera horiek aurrera ateratzeko egiten duen ahalegina pandemiak markatutako urte gogor honetan.

Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.