Edukira joan
Mostrar/ocultar menú principal de navegación [eu]

Lasarte

Habiaratutako portletak
Aktualitatea
Atzealdea

“Organikoa birziklatu. Jaso zure kit-a eta parte hartu organikoaren bilketan”

"Organikoa birziklatu. Jaso zure kit-a eta parte hartu organikoaren bilketan" lelopean, udalak materia organikoaren gaikako bilketa eta birziklapena sustatu nahi ditu. Kanpainak, programarekin bat egiteko gonbita egingo du.

2020·11·19

Agustin Valdivia Calvo Lasarte-Oriako alkateak, Spora Myriam Esteban enpresako arduradunarekin batera, lau astez etxeko hondakinen materia organikoaren gaikako bilketarako programarekin bat egitera gonbidatuko dituen kanpaina aurkeztu du.

Valdiviak azaldu du kanpainaren helburua biohondakinen gaikako bilketa handitzea dela. Kanpainan ahalik eta atxikimendu gehien lortzeko ahalegina egingo da, parte-hartzaile berriei materiala eta informazioa emango zaie, jatorrian ondo bereiztearen garrantziaz informatuko da, gaikako bilketaren frakzioen kantitatea eta kalitatea handitzeko, eta herritarrak erantzunkide izango dira hondakinen kudeaketan.

Udalaren datuen arabera, urriko gaikako bilketaren tasa (eskura dagoen azken datua) Lasarte-Orian % 45,6koa da, 2020ko % 50etik oso urrun; 2030erako % 60a edo 2035erako % 65a lortu behar genuek, Europar Batasunak hondakinen arloan ezarritako helburuak beteko baditugu.

Kanpainaren garrantzia honako honetan datza: edukiontzi marroiaren bidez bildutako bio-hondakin edo frakzio organiko kopurua etengabe murrizten ari da, nahiz eta aurten erabiltzaile kopurua handitu den. Aurten iaz baino 31.150 kg biohondakin gutxiago jaso dira, eta gutxienez 262 lasarteoriatar gehiago daude programan. Gainera, kontuan izan behar da konfinamenduaren eta COVID-19k hartutako neurrien ondorioz, etxeetan hondakin gehiago sortzen ari garela.

Kanpaina Spora enpresari esleitu zitzaion 15.659 euroren truke. Myriam Estebanek azaroaren 23an hasi eta abenduaren 19an bukatuko den kanpainaren berri eman zuen. Kanpainaren hasieran, informazio-kartelak jarriko dira eta gutun bat bidaliko da etxe guztietara, biohondakinen gaikako bilketa-sisteman izena ematera animatzeko.

Informazio gune bat jarriko dute astelehenetik larunbatera Okendo plazan 11:00etatik 14: 00etara eta 17:00etatik  20:00etara. Asteazken goizetan, ordea,  Andatza plazan azoka txikiaren ondoan egongo da, eta abenduaren 4an, Brigidetan. Puntu horretan, herritarrei arreta eskainiko zaie, eta honako hauek eskainiko zaizkie:

  • Kanpainari eta biohondakinen gaikako bilketa-sistemari buruzko informazioa.
  • Etxean materia organikoaren banaketa selektiboa egiteko moduari buruzko argibideak.
  • Sisteman alta ematen dutenei bio-hondakinerako kita emango zaie: kubo marroi bat, edukiontzietara sartzeko txartela, poltsa biodegradagarrien pakete bat eta materialen bereizketari buruzko informazioa duen iman bat.

Gainera, kanpainaren bitartez dei egingo da biohondakina biltzeko sisteman izena eman ez duten lasarteoriatarren hainbat etxetara, izena ematera animatzeko. Azkenik, herritarren eskura telefono-zenbaki bat jarriko da, egokia iruditzen zaien informazioa jasotzeko.

Amaitzeko, alkateak biohondakina gaika biltzeko sisteman eta gainerako frakzioetan parte hartzera animatu zituen herritarrak. Horrela, guztion artean zaborraren ekoizpena murrizten eta gure ingurumena hobetzen lagunduko baitugu.

Web edukia bistaratu

COVID-19 mapa. LASARTE-ORIA

Legenda
  Azken 14 egunetako kasuak 100.000 biztanleko
500 kasu edo gehiago
300 eta 499 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.